مدح امام حسین علیه السلام
عرشیده سندن ملک ایلوله صحبت یاحسین
چونکه سنسن شاه اقلیم محبت یاحسین
سن علینون اوغلی زهرانین عزیز جانی سان
سومین خورشید تابان امامت یاحسین
من کیمم وصف ایلیم سن تک شهنشاهی آقا
نه قلمده وار نه دیلده ذره جرات یا حسین
عشق و ایثار و وفا و عزت و آزادگی
گل وجودیندن تاپوب عالمده نشات یاحسین
قامتینده ایلیوب توحید و یکرنگی قیام
حضرت آدم ده اولماز بو هیبت یاحسین
یوسفین بازارینی پوزدی شعاع طلعتین
هچ گوزلده یوخدی بیر بیله ملاحت یاحسین
گر سوروشسان عشقی مجنوندان دییر کی شورعشق
ایلیوب دل ملکینه سندن سرایت یاحسین
بیر سنون زینبدی عالمده یگانه عاشقین
تکجه عشقونده ائدر زینب کفایت یاحسین
سن او شهسن که گدایه شان سلطان ورمیسن
آیری یئرده کیم تاپار یو نوعی عزت یاحسین
کیم سنه عاشق اولا آزاد اولار اوتدان ولی
محو اولار ائتسه اگر سنله عداوت یاحسین
ظلمه سن باش ایمدون ظالملری محو ایلدون
اورگشوب داغلار مرامیندان صلابت یاحسین
عرش اعلادن معلادی بهشت دن با صفا
قبله اهل ولا اول قانلی تربت یاحسین
حق دعانی مستجاب ایلر سن اولسان واسطه
سندن اخذ ایلر دعا شان اجابت یاحسین
جانیوی بذل ایلدون اسلامه نصرت ایلدون
مکتب قرآنیدن ائتدون حمایت یا حسین
عرض قیلدیم من کیمم اوصافیوی وصف ایلیم
طائره سن ایلدون لطف و عنایت یاحسین
طائر اورنگی
تقریر شب ولادت امام حسین
۱۴ اسفند ۱۴۰۰
- شنبه
- 14
- اسفند
- 1400
- ساعت
- 18:38
- نوشته شده توسط
- طائر
- شاعر:
-
طائر اورنگی
ارسال دیدگاه